Засгийн газрын ээлжит хуралдаан өнөөдөр боллоо.
Шийдвэрийг хотын дарга Х.Нямбаатар, Түгжрэлийг бууруулах үндэсний хорооны дарга Б.Дэлгэрсайхан, Боловсрол, шинжлэх ухааны сайд Л.Энх-Амгалан нар танилцуулж байна.
ТҮГЖРЭЛИЙН САЙД Б.ДЭЛГЭРСАЙХАН:
-Засаг захиргаа, түүний нэгж, түүний удирдлагын тухай хуулинд өөрчлөлт оруулж байж бүтээн байгуулалт хийх эрхзүйн орчинг нээж өгнө. Үүнтэй холбоотойгоор Хот тосгон, түүний бие даасан хуулийг бүлгийн хурлаар оруулаад УИХ-д хэлэлцүүлэх үүргийг Засгийн газраас өгсөн.
Хотын эрхзүйн байдал зөвхөн УИХ, Засгийн газартай хамааралтай байгааг болиулж, хот бие даан хөгжих боломжоор хангаж өгөхөөр хуулинд өөрчлөлт оруулах гэж байна. Нийслэл өөрийн бие даасан хуультай болвол цаашдаа томоохон бүтээн байгуулалт, нийслэл хотод тулгараад байгаа асуудлуудыг шийдэх эрхзүйн орчин бүрдэх юм.
Хот өөрөө бие дааж Төр, хувийн хэвшлийн түншлэлийг зохицуулахаар мөн тусгагдаж байгаа. Амьдралын шаардлагаар Нийслэл хотын бие даасан хууль ийнхүү батлагдах нь.
