УИХ-ын чуулганы хуралдаанаар “Улсын хилээр нэвтрүүлэхийг хориглох, тарифын бус бусад хязгаарлалт тогтоох бүлэг барааны жагсаалтыг батлах тухай” тогтоолын төслийг хэлэлцэж байна.
УИХ-ЫН ГИШҮҮН Д.ГАНБАТ:
Машин тэрэг яндан ярьж байгаа дээр бензин яримаар байна. Чанартай шатахуун хэрэглэмээр байна. Малчид, тариаланчдын ажил ихсэх үеэр бензин, шатахууныг нь тасалчихдаг шүү. Өнгөрсөн хавар ийм асуудал үүсч байна. Урьдчилж хэлж байна шүү.
УИХ-ЫН ГИШҮҮН Б.ЖАРГАЛМАА:
-Монгол Улсын төрөөс 2010 оноос хойш шат шатандаа агаарын бохирдлыг бууруулах ажил хийж байгаа ч хэрэгжилт хангалтгүй байгаа нь өнөөдрийн нөхцөл байдал харуулж байна. Агаарын бохирдлын хэмжээ аюулын түвшинд байсаар байна. Автомашинаас гарах хорт утаа агаар орчны бохирдлын 10 хувьд тооцогддог. Нүүрсэн яндангаа хилээр гаргахаа болих юм бол манай улсад байгуулагдах үйлдвэрт яг хэдээр худалдаж авах вэ?. Үйлдвэр яндан, баттериа устгахаар иргэдээс авч байгаа хэдий ч худалдаж авах ёстой.
СХД-ийн сайжруулсан түлшний үйлдвэрийг нүүлгэх боломж байна уу. Тухайн үйлдвэрийн орц, найрлагад шинжилгээ хийсэн үү. Бид тухайн үйлдвэрт шалгалт хийхэд зөрчил илэрсэн. Үүнийг Б.Чойжилсүрэн сайд байгаа дээр асуумаар байна.
УИХ-ЫН Б.ЧОЙЖИЛСҮРЭН:
-Улаанбаатар хотын агаар орчны бохирдлыг Хотын дарга хариуцаж байгаа. Бусад асуудлыг БОАЖ-ын яам хариуцахаар болсон. Эрчим хүчний яам агаарын бохирдол, нүүрс түлш хариуцахаа больсон шүү.
УИХ-ЫН ГИШҮҮН Г.ТЭМҮҮЛЭН:
-Машинд илүү зүйл гэж байхгүй. Байх ёстой зүйлийг манайхан дамлан зардаг, хууль бус зүйлийг таслан зогсооё л гээд байгаа юм. Түүнээс биш нүүрсэн янданг утгана гэж үзээгүй байгаа.
