УИХ-ын чуулганы хуралдаанаар “Улсын хилээр нэвтрүүлэхийг хориглох, тарифын бус бусад хязгаарлалт тогтоох бүлэг барааны жагсаалтыг батлах тухай” тогтоолын төслийг хэлэлцэж байна.
УИХ-ЫН ГИШҮҮН Ц.ТУВААН:
-С.Бямбацогт сайдаас асуулт асуумаар байна. Сүүлийн үед агаарын бохирдлын асуудал хүндэрч байна. Угаартаж хүн үхэж байна. Агаарыг хортой, хоргүй гэж хараад мэдэхгүй шүү дээ. Тэгэхээр Засгийн газар анхаарал тавих хэрэгтэй байна.
Автотээврийн үндэсний төв дээр автомашины үзлэгүүд явагддаг. Энэ үеэр янданг үзэж шалгадаг уу гэж асуумаар байна. Гаалийн байгууллагаар энэ яндан чинь яг ямар бараа гээд гараад байсан юм бэ?. Мөн Дарханы замын асуудал дээр 80, 81 дэх цөмрөлтийн асуудал дээр ямар ажлууд хийгдэж байна. Энэ Дарханы зам яг хүлээж авсан зам мөн юм уу. Төв аймгийн Батсүмбэр сумын ахмадууд ярьж байна. Тэр замын асуудал юу болсон бэ.
УИХ-ЫН ГИШҮҮН С.БЯМБАЦОГТ:
-Нүүрсэн яндангүй машинууд үзлэгт тэнцэхгүй. Гэтэл нүүрсэн янданг нь хулгайлж авч зарж, хилээр гаргадаг. Тиймээс хилээр нүүрсэн янданг гаргахаа больчихвол эрэлт алга болно. Ингэсэн тохиолдолд нүүрсэн яндангаа зарж борлуулах, хулгайд алдагдах тохиолдол багасна.
Монголд явж байгаа приус машин 200 мянга гаруй явж байна. Дарханы замын тухайд, шар усны үерээс болж эвдэрсэн. Гүйцэтгэгч компани өөрсдийн хөрөнгөөр сэргээн засаж байгаа. Ерөнхийдөө Дарханы замыг хүлээж аваагүй байгаа. Энэ жил Улсын комисс хүлээж авахаар ажиллаж байна. Улсын комисс хүлээж авснаас хойш 3 жилийн хугацаанд баталгаат хугацаа мөрдөгдөнө. Энэ хугацаанд эвдэрвэл тухайн компаниуд хариуцлага хүлээнэ.
