Франц улсад хоригдож буй иргэн Г.Ган-Очирын шүүх хурлын шийдвэрийг өнөөдөр танилцуулав.
Иргэн Г.Ган-Очир Франц улсын шоронгоос утсаар холбогдож дараах мэдээллийг өглөө.
Тэрбээр "2024 оны гуравдугаар сарын 6-ны өдөр 10:00 цагт Францын цагдаа нар намайг шоронгоос авч явж, байцаалт авсан. Намайг хүчингийн хэрэг, эхнэр, хүүхдээ барьцаалж авч гарч ирсэн гэсэн хууль бус, худал хэргээр яллаж, байцаалт авсан. Үүнийг нь би эсэргүүцсэн.
Францын цагдаа нар намайг 2022 оны аравдугаар сарын 28-нд баривчилж, шоронд хорьсон. Шоронд байхдаа эхнэрээ хүчиндэнэ гэж ямар юм байсан юм бэ? Би тэр хүнтэй шоронд байх хугацаандаа нэг ч уулзаагүй.
Намайг нэг жил таван сар хууль бусаар хорьсныхоо хор уршгийг дарахын тулд Монгол Улсын Засгийн Газартай хамтарч дахиж ийм хуурамч хэрэгт хийж байна гэдгийг Монголчууддаа хэлмээр байна.
Өчигдөр миний шүүх хурал болсон ч намайг оролцуулаагүй. Миний өмгөөлөгчийг ч оруулсан үгүй нь тодорхой бус байна.
Х.Нямбаатар гэдэг хүн хэвлэл мэдээллээр намайг айл шатааж, оргон зугтсан гэмт хэрэгтэн гэж зарласан. Ийм гэмт хэрэг байхгүй. Зохиомол хэрэг тохож байна.
Би Х.Нямбаатар болон Франц улсын элчин сайдыг намайг улс төрийн зорилгоор гэмт хэрэгт яллуулж байна гэж Монгол Улсын Ерөнхий Прокурорт гомдол гаргаж өгч байгаа" гэв.
