Сэтгүүлч Н.Өнөрцэцэгт холбогдох эрүүгийн хэрэг эцэслэн шийдэгдэх хүртэл мэргэжлийн үйл ажиллагаагаа эрхлэхийг нь түдгэлзүүлэх шийдвэрийг Сүхбаатар дүүргийн Эрүүгийн хэргийн анхан шатны шүүх энэ сарын 5-нд гаргасан.
Харин өчигдөр давж заалдах шатны шүүх хурал боллоо.
Шийдвэрийн талаар түүний өмгөөлөгч мэдээлэл өгөхдөө "Дөрөвдүгээр сарын 5-нд болсон шүүхийн хэлэлцүүлгээр Зариг.мн сайтын эрхлэгчийн ажил эрхлэхийг түдгэлзүүлэх прокурорын саналыг шүүх хүлээж аваагүй. Харин Н.Өнөрцэцэгийг мэргэжлийн үйл ажиллагаагаа эрхлэх эрхийг хэрэг хянан шийдвэрлэх ажиллагаа дуустал түдгэлзүүлэх шийдвэрийг эцэслэн сая гаргалаа.
Өмгөөлөгч нар ерөнхий шүүгчид гомдол гаргасан. Хууль зүйн хэд хэдэн үндэслэл гаргаж, тайлбарлан мэтгэлцсэн. Гэхдээ шүүгч анхан шатны шүүхийн шийдвэрийг хэвээр үлдээлээ" гэв.
