Сэлбэ хотхоны оршин суугчдаас үерийн далангийн төсөвт өртөг болох 20 тэрбумыг эсэргүүцэж өнөөдөр хэвлэлийн бага хурал хийлээ.
Зөвхөн "Сэлбэ хотхон"-ны хувьд 460 орчим өрхтэй 2,500-2,800 орчим оршин суугчтай. Баянзүрх дүүргийн 43 дугаар хороо нь нийтдээ 16,000 орчим оршин суугчтай үүнээс 7,000 орчим нь үерийн бүсэд нэрвэгдэж хохирол амссан.
Далан тавина, төсөв мөнгө нь батлагдаж байна, мөнгө, зураг төсөл нь явж байна гэж явсаар ямар ч ажил хийгдэхгүй өнөөдрийг хүрсэн.
"S'Outlet" дэлгүүрт нураах үйл ажиллагаа явагдахгүй байгаа шүү. Өнөө өглөө хотын захиргаанаас нурааж байгаа гэж мэдээлэл өгч байсан. Тэнд маш олон зөрүүтэй мэдээллүүд байна. Жишээ нь "Бид голыг нь тохижуулж өгөх гээд байхад оршин суугчид эсэргүүцээд байна" гэж байна. Нэг ч хүн эсэргүүцээгүй шүү.
Бид нэг бичиг хотын захиргаанд өгөхөөр дотроо 20 албан хаагчийг дамждаг. Хотоосоо дүүрэг рүү явдаг. Дүүрэг дээрээ хэчнээн цаг хугацаанд ямар ч хүнийх нь шүүгээнд байдаг юм бүү мэд явсаар хороон дээр очдог. Хорооноос бидэнд "Судалж байгаа гэнээ" гэсэн л хариу ирж байгаа юм.
