УИХ-ын хаврын ээлжит чуулганы үдээс хойших хуралдаанаар суралцагчийн сурлагын амжилтыг үнэлэх олон улсын “PISA-2022” үнэлгээний Монгол Улсын үр дүнгийн талаар мэдээлэл өгч байна.
УИХ-ЫН ГИШҮҮН Г.ДАМДИННЯМ:
-Цэцэрлэгийн хүртээмж сайжирсан. Өнгөрсөн 34 жилийн хугацаанд Монголын боловсролын тогтолцоог цогцоор нь харсан эрхзүйн реформыг хийж чадсан. Том багц хууль гарсны дараа, 120 гаруй журмууд гарах ёстой юм. Захаасаа гарч байгаа журмууд шүүмжлэл дагуулж байна. Монголын боловсролын тогтолцоог өөд нь татах хамгийн чухал зүйл багш нарын цалинг нэмэх, амьдралын баталгааг нь сайжруулах шүү дээ. Хөөрхий насаараа боловсролын салбарт ажилласан хүмүүс өөрийнхөө нэг хүүхдийг ямар нэг мэргэжлээр үнэ төлбөргүй сургах боломжийг нь хуулиараа нээж өгсөн. Гэтэл мэргэжлийн ялгаа үүсгээд, зааглаад өгчихлөө. Бүгдэд нь тэгш хандмаар байна. Төрийн албаны ёсзүй Дархан-Уул аймгийн Боловсролын газрын даргын үүрэг гүйцэтгэж байгаа асуудлыг Л.Энх-Амгалан сайдад тавьсан. Гэтэл Төрийн албаны ёсзүйн журам батлагдаагүй учир хариуцлага тооцож чадахгүй гэж буцаасан. Чадваргүй мөртлөө амбиц хөөсөн энэ мэт хүмүүсийн асуудлыг шийдэхийн тулд энэ журмаа баталж өгнө үү. Боловсролын салбарын ёсзүйгүй хүмүүст ямар хариуцлага тооцох вэ?.
