Олон жил дуншсан Дарханы замын эхний хэсэг ашиглалтад өнгөрсөн намар ажиглалтад орсон ч ердөө таван сарын дараа том хэмжээний цөмрөлт үүсэж, аюултай нөхцөл байдлаг үүсгээд буй. Энэ талаар Дархан-Уул аймгаас сонгогдсон гишүүүн Г.Дамдиннямаас замын нөхцөл байдлын талаар тодрууллаа. Тэрээр,
- Дарханы зам анхнаасаа зураг төсөл болон тендерийн үйл ажиллагаа нь эргэлзээ төрүүлэхээр сонин байдэалтай явчихсаныг бүгд мэдэж байгаа. Энэ бол долоон жилийн өмнөх үйл явдал. Энэ замтай би сүүлийн 3 жил тасралтгүй зууралдаад явж байна. Сая энэ үертэй холбоотойгоор Улаанбаатараас гарах чиглэлээс 80-81 дэх км-ийн хооронд 40,50 орчим метр газар цөмрөөд орчихсон байгаа. Би Европын сэргээн босгол хөгжлийн банкны төслийнхөн болон ЗТЯ-ныхнаас мэдээлэл авсан байгаа. Энэ урсгал бол 2-р багц буюу улсын комисст хүлээж аваагүй хэсэгт гарсан эвдрэл. Энд бол 2 асуудал яригдана.
Нэгдүгээрт, энэ ажлын чанар, гүйцэтгэлийг хянахаар олон улсын тендерт ялсан “Сайн консалтинг” гэж компани Италийн компанитай хамтарч ажиллаж байгаа. Азийн хөгжлийн банкны урсгал болон Европын сэргээн босголт банкны урсгалд хоёуланд нь хяналт тавьж байгаа энэ компанийн асуудал яригдана.
Хоёрдугаарт, гүйцэтгэлийг хийж байгаа компанид хариуцлагын асуудал яригдана.
Тэгэхээр энэ эвдрэлийн засвартай холбоотой бүх зардлыг энэ компани хариуцна.
Өмнө нь үер устай холбооотой иймэрхүү асуудал Дарханы зам дээр хэд хэд гарч байсан. Үүн дээр ямар дүгнэлтүүд эцэстээ гардаг вэ гэхээр зураг төслийн алдаа байдаг. Урьдчилсан байдлаар одоо үүсээд байгаа цөмрөлийг дүгнэхэд мөнл зураг төслийн алдаатай холбогдож байгаа. Энэ хэсэгт ус хуримтлагддаг. Ийм хэсэгт шугам хоолой хийх шаардлагатай байдаг юм байна. Гэтэл энд байхгүй.
