ТӨРИЙН АЛБАН ХААГЧДЫН ДОТООД АЛБАН ТОМИЛОЛТЫН ЗАРДЛЫГ 6-40 МЯНГАН ТӨГРӨГӨӨР НЭМЭГДҮҮЛЖЭЭ

Дотоод албан томилолтын тарифыг өчигдөр /2024.04.01/ шинэчлэн баталжээ. Тодруулбал, Монгол Улсын Сангийн сайдын 2024 оны 4 дүгээр сарын 1-ний өдрийн А/52 дугаар тушаалаар дотоодын албан томилолтын зардлын хэмжээг шинэчлэн баталсан байна. 

Өнөөг хүртэл Сангийн сайдын 2022 оны 120 дугаар тушаалаар дотоод томилолтын зардлыг тооцон олгож байсан. Тэгвэл шинэчилсэн тарифаар төрийн албан хаагчийн дотоод албан томилолтын 

• Хоолны зардал суманд  24,000 төгрөг байсныг 30,000 төгрөг, 
• аймгийн төвд 28,000 төгрөг байсныг 40,000 төгрөг, 
• Улаанбаатар, Эрдэнэт, Дархан хотуудад 32,000 төгрөг байсныг 50,000 төгрөг,
• Байрны зардал суманд 40,000 төгрөг байсныг 60,000 төгрөг,
• аймгийн төвд 90,000 төгрөг байсныг 130,000 төгрөг, 
• Улаанбаатар, Эрдэнэт, Дархан хотуудад 110,000 төгрөг байсныг 150,000 төгрөгт хүргэж тус тус нэмэгдүүлжээ.

Ингэснээр тТөрийн албан хаагчдын дотоод томилолтын хоолны зардал 6-18 мянган төгрөгөөр, байрны зардал 20-40 мянган төгрөгөөр тус тус нэмэгдсэн байна.