Булган аймаг, Хутаг-Өндөр сум. Хутаг багийн “Хайлантай рашаант” гэдэг газарт ой, хээрийн гал түймэр гарч 1 га хээр, 2 га ой бүхий нийт 3 га газар өртөж шатсан байна.
Энэ талаарх дуудлагыг аймгийн онцгой байдлын газар 03.31-ний өдрийн 15:49 цагт хүлээн авсан байна. Дуудлагын дагуу Булган аймгийн Онцгой байдлын газрын Хутаг-Өндөр сум дахь Эрэн хайх, аврах салбарын алба хаагчид сум дундын Цагдаагийн тасгийн экологийн цагдаагаар ахлуулсан ажилтанууд 03.31-ний өдрийн 17:09 цагаас эхлэн ой, хээрийн гал түймрийг унтраах ажиллагааг зохион байгуулан ажиллаж мөн өдрийн 18:14 цагт цурамд оруулан 04.01-ний өдрийн 09:50 цагт бүрэн унтрааж, Хантай багийн байгаль хамгаалагчид хүлээлгэж өгсөн.
