Барилга, хот байгуулалтын сайд Ц.Даваасүрэн, Сангийн сайд Б.Жавхлан нар улсын төсвийн хөрөнгөөр барилгын ажил гүйцэтгэж буй компанийн төлөөллүүдтэй өчигдөр уулзлаа.
Компанийн төлөөллүүд "Барилгын ажилтны тарифт цалингийн жишиг" өнөөгийн зах зээлийн тарифаас 2 дахин бага буюу аль 15 жилийн өмнөх тарифаар явж байгаагаас болж алдагдалтай ажиллаж, цаашид ажлаа үргэлжлүүлэн явуулах боломжгүйд хүрч буйгаа мэдэгдэж, цалингийн жишгийг шинэчилж, 2019 оны тарифаар тооцох хүсэлт гаргалаа.
Сайд нарын тухайд, улсын төсвөөр барилгын ажил гүйцэтгэж буй компанийн ажилчид зах зээлийн жишиг үнэлгээнээс хэт доогуур цалинжиж, Улсын захиалгатай ажлууд удааширч, гацаж буй асуудлыг шийдвэрлэх нь зүйтэй хэмээн үзэж, хамтарсан тушаал гаргаж, цалингийн зөрүүг арилгах шийдвэрт хүрсэн байна.
Хоёр сайдын хамтарсан тушаал гарснаар барилгачид 2021 оны 01 дүгээр сарын 01-ний өдрөөс хойшхи ажлаа шинэчилсэн тарифаар тооцуулах таатай боломж бүрдэх юм.
"Уг шийдвэр зөвхөн Улсын төсвийн хөрөнгө оруулалтаар ажил гүйцэтгэж буй барилгын компаниудад хамаарна"
Цалингийн зөрүүг олгох санхүүжилтийг 2025 оны Улсын төсөвт тусгаж хэрэгжүүлэх юм.
