47 МЯНГАН АВТОМАШИН ХОТЫН ТӨВИЙН ЗОГСООЛД ӨДӨРЖИН БАЙРШДАГ

Дэлхийн банкны санхүүжилтээр хэрэгжүүлж буй  “Улаанбаатар хотын тогтвортой авто зам, тээвэр” төслийн ажлын хэсгийнхурал болжУлаанбаатар хотын тогтвортой зорчилт хөдөлгөөний стратеги болон авто зогсоолын стратеги, менежментийн төлөвлөгөөний үйл явцтай танилцан, санал солилцлоо. Өнөөдрийн байдлаар Улаанбаатар хотын хэмжээнд: 

• 618.800 иргэн ажилдаа явах зорилгоор бүх төрлийн тээврийн хэрэгслээр зорчиж байна. 
• Тэдний 435.500 нь хувийн автомашинаар зорчдог бол хотын төвийн бүс рүү 141.500 иргэн орж ирдэг.
• Хувийн автомашинаар зорчиж буй иргэдийн 33.4 хувь нь хотын төвийн зогсоолд машинаа өдрийн турш байрлуулдаг.
• Нийслэлийн төвийн зургаан дүүрэгт 1.801 байршилд 113.356 автомашины зогсоол бий.
• Зогсоолын эрэлт Бага тойрууд хамгийн өндөр байна.

-Зогсоолын орон зайг нэмэгдүүлэх боломж ховор байна. Тиймээс менежментийн аргаар эрэлтийг бууруулах нь оновчтой. Одоогоос арга хэмжээ авахгүй бол 1-2 жилд эрэлт эрчимтэй нэмэгдэх хандлагатай байна гэж ажлын хэсгийнхэн онцолж байв. 

Зогсоолын эрэлт хамгийн өндөр байгаа Бага тойруугийн 13 байршилд зам дагуу зогсоолыг бий болгох шаардлагатай. Мөн уг хэсэгт 5-9 давхар зогсоол барих, их тойрууд шинээр барилга барих тохиолдолд 5 хүртэлх давхар зогсоол барих шаардлагатай гэсэн тооцоолол гарчээ