-Нүүрсний сонсголын үеэр Өмнөговь аймгийн газрыг хууль зөрчин гадаадын иргэн, аж ахуйн нэгжид эзэмшүүлсэн хэрэг баримтаар ил болж, шуугиан тарьж байв-
Өмнөговь аймгийн Засаг даргаар ажиллаж байсан Б.Бадраа түүний хүү Б.Наранхүү, Ханбогд сумын Засаг дарга асан Х.Нэхийт болон аймгийн газрын албаны дарга З.Мөнхцэцэг нарын хэргийг АТГ-аас шалгаж
байсан. Тэгвэл эх сурвалжийн мэдээллээр, тус хэргийг шүүхэд шилжүүлэх саналтайгаар прокурорт шилжүүлжээ.
Урьдчилсан байдлаар Өмнөговь аймгийн ИТХ-ын дарга Б.Бадрааг нийслэлийн Хан-Уул дүүрэгт өндөр зэрэглэлийн олон тооны орон сууц, үл хөдлөх хөрөнгө, үнэтэй автомашинууд худалдан авч, мөрийтэй тоглож, хууль бусаар олсон мөнгөө угаасан байж болзошгүй гэж хуулийн байгууллагаас тогтоосон байдаг.
Улмаар арваннэгдүгээр сарын 31-нд Б.Бадраагийн гэр болон албан өрөөнд шалгалт хийж, гэрээс нь 300 сая төгрөг, юань, үнэт эдлэл, галт зэвсэг, сум зэргийг хурааж авсан байна. Мөн Б.Бадраа хүүгийнхээ нэр дээр компаниудынхаа үйл ажиллагааг явуулдагтай холбоотойгоор түүний хүү Б.Наранболдыг давхар шалгаж, 461 дүгээр хорих ангид цагдан хорьсон.
Хэргийн тухайд, Өмнөговь аймгийн Ханбогд сумын Засаг дарга нь албан үүрэг, бүрэн эрх, албан тушаалын байдлаа урвуулан ашиглаж хууль зөрчин Монгол Улсын газар нутгийг БНХАУ-ын компаниудад хууль бусаар эзэмшүүлэх шийдвэр гаргаж, давуу байдал бий болгосон байж болзошгүй үйлдэлд Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар хэрэг бүртгэлтийн хэрэг нээж, Авлигатай тэмцэх газраас мөрдөн шалгах ажиллагааг явуулсан байдаг. Энэ хэрэгт нийт 11 хүнийг яллагдагчаар татагдсан.
