УИХ-ын хаврын ээлжит чуулганы өнөөдрийн хуралдаанаар Монгол Улсын Үндсэн хуулийн цэцийн тухай хуулийн шинэчилсэн найруулгын төслийг хэлэлцэж байна.
Энэ үеэр УИХ-ын гишүүн С.Чинзориг “Энэ хуулийн төслийг олон жил ярьж байгаа. Энэ хуулийн төслийг хэлэлцэхийг нь дэмжиж байна. О.Цогтгэрэл нарын АН-ын гишүүд завсарлага авая гэж байгаад гайхаж байна. АН хүний эрх их ярьж явдаг. Гэтэл ийм хуулинд завсарлага авах гэлээ. Ам ажлын зөрүү байна.
Шүүх хараат бус байгууллага атал Цэцийн хуулинд өөрчлөлт орсноороо Үндсэн хууль зөрчихгүй юу. Цэц маргаан шийдвэрлэх эрхийг нь хэр оновчтой олгож өгч байгаа вэ зэрэг асуултыг хууль санаачлагчдаас тодруулмаар байна. Үндсэн хуулийн Цэц дарга ч үгүй олон сар явлаа. Цэцийн гишүүнийг тодорхой хугацаанд томилдог байдлыг хэр оновчтой болгож байгаа вэ. Энэ хуулиас харахаар Цэцийн гишүүн дээр бусад төрийн албан хаагчдаас ялгамжтай хандсан байна” гэв.
