Талийгаач гэдэг үгийг бараг нийтээрээ хэрэглэдэг. Тэгвэл энэхүү үгний утгыг тайлбарлажээ.
- “Талийгаач” гэдэг үгийг хэлэхийг цээрлэдэг хатуу үг. Нас барагсдыг өндөр наслаад явах цагтаа явагсдыг “Бурхан болооч” гэж дууддаг. Өвчнөөр нас барагсдыг “Өөд болооч” гэж дууддаг. Бага насандаа нас барагсдыг “Одооч” гэж дууддаг. Хэн нэгний амийг хэн нэгэн гэмт этгээд санаатайгаар амийг нь бүрэлгэн хороохыг, аваар ослоор нас барагсдыг “Бүрлээч” гэж дууддаг.
Асар их хулгай дээрэм, хүний амь бүрэлгэсээр эцэстээ хуулийн журмаар баригдах үедээ, эсвэл зөнгөөрөө гэмшин өөрийнхөө амийг хорлодог хүмүүсийг “Талийгаач” гэж нэрлэдэг.
Талийгаач гэдэг нь энэ хүн маш их нүгэл хилэнц үйлдсэн хүн гэсэн утгыг илэрхийлдэг хамаагүй хэлэхийг цээрлэдэг үг юм.. гэх мэтээр хэлж ярьж болдоггүй маш олон үгсийг уран бүтээл бүтээхдээ хэлж ярин, олон нийтийг муу үлгэр дуурайлаар турхирсан бүтээлүүдийг олон нийтэд сүүлийн 60-70 жилийн туршид сурталчилсаар ирсэн байдаг. Эдгээр үг хэллэгийг хэлж болохгүй шүү гэдгийг харин ч уран бүтээлүүдээрээ олон нийтийн ёс зүйд нөлөөлөх бүтээлүүдийг туурвих ёстой юм.
