Солонгосын тээврийн хөлөг онгоц Японы Хоншю арлын эрэгт хөмөрчээ. Цаг агаарын тааламжгүй байдлаас болж зангуугаа барьж байгаад осолдсон гэх мэдээлэл байгаа бөгөөд Японы засгийн газар есөн хүнийг аварч, найм нь нас барсан гэж мэдэгдлээ. Мөн гурван иргэн ор сураггүй болжээ.
Японы хэвлэл мэдээллийн хэрэгслүүдийн мэдээлснээр, 3 сарын 20-ны өглөөний 07.00 цагийн орчимд Японы Шимоносэки хотын эргийн ойролцоо "хөлөг онгоц хазайж" байна хэмээн аврах хүсэлт гаргасан байна.
Тээврийн хөлөг онгоцонд 60 гаруй насны солонгос ахмад, инженер, 8 Индонези, 1 Хятад зэрэг нийт 11 хүн зорчиж явсан байна.
Японы эргийн хамгаалалтын албаныхан есөн хүнийг аварсан ч найм нь нас барж 3 хүн одоогоор олдоогүй байна.
Осолд өртсөн тээврийн хөлөг онгоц 7-ны өдөр Пусан боомтоос хөдөлж, Японы Токио, Нагоя хотыг дайран өнгөрч, цаг агаарын таагүй байдлын улмаас Шимоносэки усанд бэхлэгдсэн байна.
Мэдээллийн дараахан хохирогчийг аврахаар дөрвөн эргүүлийн завь, нэг нисдэг тэрэг илгээсэн ч тэднийг ослын газарт очиход хөлөг аль хэдийнэ бүрэн хөмөрсөн байжээ. Осол болох үед агшин зуурын салхины дээд хурд секундэд 20 метрт хүрсэн тул ойр орчмын далайн бүсэд шуурга шуурахыг анхааруулсан байна.
Орчуулсан Э.Тунгалаг
