УИХ-ын хаврын ээлжит чуулганы хуралдаан Төрийн ордонд эхэллээ. 

Өнөөдрийн хуралдаанаар Цусны донорын тухай хуулийн төслийг хэлэлцэж байна

УИХ-ЫН ГИШҮҮН Д.ГАНБАТ:

Хандивын журмаар нэг хүнд туслах гэж аян явуулдаг. Ард түмэн чадан ядан тусалдаг. Гэтэл яг ийм асуудал дээр ажиллах ёстой байгууллага нь ажилдаггүй.

Эрүүл мэнд, эмнэлгийн салбар хүнд байна. Хэзээ аятайхан болж, зөв гольдрилдоо орох вэ.

УИХ-ЫН ГИШҮҮН Ж.ЧИНБҮРЭН:

Цус сэлбэх үйл ажиллагаа орчин үед хурдацтай хөгжиж байна. Тиймээс энэ талын технологийг улам хөгжүүлж, тоног төхөөрөмжөө сайжруулах хэрэгтэй. Өнөөдөр бид маш сайхан Цус сэлбэлтийн төвтэй болгож өгсөн. Гэтэл нөгөөхөө ажлуулж чадахгүй, тоног төхөөрөмжөө сэлбэж чадахгүй суувал асуудалтай.

Цус цусан бүтээгдэхүүний хэрэгцээ өндөр болж байхад боловсон хүчний хомсдол өндөр байна. Тиймээс санхүүжилтийг маш зөв механизмд оруулах ёстой.

УИХ-ЫН ГИШҮҮН Г.МӨНХЦЭЦЭГ:

Цусны донорын тухай хуулийг дэмжиж байна. Хүнд илүү юм байхгүй ч, амь насаараа дэнчин тавьж цусаа өгч байгаа нь маш хүнлэг. Хуулиараа тэднийгээ дэмжиж өгөх учиртай. Цусны төвд ажиллах мэргэжилтнүүд буурч байна. Үүнийг зохицуулсан онцгойлсон зүйл заалт байна уу.