2024 оны ээлжит сонгуулийг зохион байгуулахад шаардлагатай зардлын төсөв нь 38.9 тэрбум төгрөг. Гэвч энэ төсвийн 17.2 хувь нь хасагдаж батлагджээ.
2020 оны Улсын их хурал болон орон нутгийн сонгуульд 37.1 тэрбум төгрөг төсөвлөж байсан аж. 2020 оны улсын төсөвт тусгаснаар
Харин энэ жилийн сонгууийн дүн ийнхүү өссөн нь дараах шалтгаантай. Тодруулбал,
Энэ жилийн тухайд сонгуулийн тойргийг бүсчилсэн хөгжлийн хөтөлбөрт нийцүүлэн томсгосонтой холбогдуулан саналын хуудасны хэмжээ өөрчлөгдсөн учир хэвлүүлэх нэмэлт зардал шаардлагатай. Мөн саналын хуудаст тэмдэглэх нэр дэвшигчдийн тоо нэмэгдсэн тул санал авах ажиллагааг хэвийн явуулах, сонгогчдод хүндрэл учруулахгүй байх зэргээс улбаалан санал авах байрыг нэмж бэлтгэх, санал авах бүхээгийг нэмж байршуулах, хүрэлцээтэй байлгах зардал ч нэмэгджээ.
Байнгын бус ажиллагаатай сонгуулийн хороодод нийт 25,951 төрийн захиргааны болон үйлчилгээний албан хаагч ажиллах урьдчилсан тооцоо гарсан байна.
Гэвч сонгуулийн төсвийг ийнхүү 6.7 тэрбумаар хассан нь бүх шатны сонгуулийн байгууллагад ажилласан ажилтнуудад олгох урамшуулал, гадаад дахь сонгогчдоос санал авах ажиллагаатай холбогдуулан бүртгэл мэдээллийг нэгдсэн цахим санд холбох, сонгуулийн шинэ тогтолцоо, санал авах ажиллагааны зааварчилгаа мэдээллийг түгээх, цагдаагийн хяналт, хамгаалалт зэрэг үйл ажиллагаанд санхүүжилт хүрэлцэхгүй байхад нөлөөлж байгаа ажээ.
