"Кореан Эйр" нислэгийн компани Монгол Улсын Нийслэл Улаанбаатар хотоос зүүн тийш 140 км зайд орших Багануур дүүрэгт "Кореан Эйр" нислэгийн компанийн нийгмийн хариуцлагын хүрээнд хийж буй Солонгос ажилчид эхлүүлсэн ба 20 жилд мод тарьж, өдгөө 125 300 орчим модтой, төгөл болжээ. Тус компани анх 2004 оноос эхлэж, Багануур дүүргийн Засаг даргын Тамгын газартай хамтран 44 га талбайд мод тарих ажлаа эхлүүлсэн бөгөөд хуурай орчинд ч сайн ургадаг улиас, хайлаас, эдийн засгийн ач холбогдолтой чацаргана зэрэг модны төрлүүдийг сонгон тарьж ургуулсан байна.
Сөүлийн Ёидо цэцэрлэгт хүрээлэнгээс хоёр дахин том энэ газрын албан ёсны нэр нь “Кореан Эйрийн төгөл” юм. Жил бүр тус компанийн 100-200 ажилчид Монголын цөлжилт явагдаж байгаа тал хээрийн бүсэд мод тарьж ургуулж байгаа хэдий ч 350 орчим мод, гал түймэрт өртөж мөн хортон шавж, ургамлын өвчний улмаас хорогдол гарсан ч цуцалгаүй хичээж компанийн удирдлагууд бодит төгөл бий болгох нь илүү чухал гэж үзэн, ойн мэргэжилтнүүдийг ажиллуулахаас гадна Багануур дүүргийн Засаг даргын тамгын газартай хамтран мод тайрах, хортонтой тэмцэх зэрэг арчилгааны ажлыг тасралтгүй хийсээр ирсэн байна. Мөн дуслын усалгааны систем суурьлуулж, мод бүр тогтвортой ургах нөхцлийг бүрдүүлсэн байна.Мөн мод тарихаас гадна сурагчдын ирээдүйд зориулж, улсын 3 сургууль, насан туршийн боловсролын төвд 7 удаа мэдээлэл зүйн кабинетийг тохижуулж өгчээ.
