Бэлгийн замын өвчин тусахаас, мөн хүсээгүй жирэмслэлтээс сэргийлэх чухал хэрэгслийн нэг бол бэлгэвч юм. Сүүлийн жилүүдэд дэлхийн олимп болон бусад томоохон тэмцээн уралдааны үеэр тамирчдын хотхон болон үзэгчид дэмжигчдийн байрлах зочид буудлуудад бэлгэвч байршуулах нь зөв зүйл болсон. Анх 1988 оны Сөүлийн олимпод бэлгийн замын халдварт өвчний эсрэг үйл ажиллагаа явуулах, тамирчдад зөв ойлголт өгөх зорилгоор 8,500 бэлгэвч тарааж, энэ нь өнөөг хүртэл уламжлал болжээ.
2000 онд Сиднейн олимпоор 70,000 бэлгэвч тараахаар төлөвлөсөн ч алдаа гарч, нэмэлтээр 20,000-ыг тараасан түүхтэй. Гэхдээ энэ нь зөв шийдэл болсныг хэрэглэгчид нь хэлж байсан.
Ингээд тоо нь 100,000-аас буухаа больсон байна. Лондонгийн олимпын албан ёсны түнш "Durex" 150,000 бэлгэвч тарааж рекорд тогтоосон ч Риогийн олимп зохион байгуулагчид 450,000 хүргэн эвдсэн юм. Бразилчууд олимпийн түүхэнд анх удаа 100,000 эмэгтэй бэлгэвч тарааж байсан билээ.
Харин Парисын олимпыг зохион байгуулагчид тамирчдын хотхонд 300,000 бэлгэвч байршуулахаар төлөвлөж байгаа ажээ
