Нийгмийн даатгалын сангаас тэтгэвэр авах эрх үүсээгүй ахмад настан, хөгжлийн бэрхшээлтэй иргэн, тэжээгч нь нас барсан хагас болон бүтэн өнчин хүүхдүүд гэх зэрэг нийгмийн зүгээс анхаарал зайлшгүй шаардлагатай 65,6 мянган хүн халамжийн тэтгэврийг авдаг. Мөн 16 хүртэлх насны байнгын асаргаа шаардлагатай хөгжлийн бэрхшээлтэй хүүхэд нийгмийн халамжийн тэтгэвэртэй тэнцүү хэмжээгээр амьжиргааг дэмжих мөнгөн тэтгэмжийг бас авдаг байна.
Монгол Улсын хэмжээнд халамжийн тэтгэвэр авдаг 12,8 мянга орчим хүн байна.
Энэхүү нийгмийн халамжийн тэтгэвэр болон хөгжлийн бэрхшээлтэй хүүхдийн амьжиргааг дэмжих тэтгэмж 188 мянган төгрөг байсныг 2020 онд буюу цар тахал ковидын үед 100 мянган төгрөгөөр, 2023 онд 12,8%-аар тус тус нэмэгдүүлж байсан бол өнөөдрийн ЗГ-ын хурлаар 4 дүгээр сарын 1-нээс 15,4% буюу 50 мянган төгрөгөөр нэмэгдүүлэх шийдвэр гарлаа. Ингэснээр 375 мянган төгрөг болж байна.
Хөгжлийн бэрхшээлтэй иргэдийн хувьд байнгын асаргааны тэтгэмж гэж авдаг. Байнгын асаргаа үзүүлж байгаа гэр бүлийнх нь хүнд уг тэтгэмжийг олгодог. Уг тэтгэмжийг 2023 оны 7 сарын 1-нээс 16-аас доош насны хүүхэд асарч байгаа том хүн асарч байгаа гэж ялгаатай байсныг ижилхэн болгосон байна. Байнгын асаргаатай иргэдэд олгох тэтгэмжийг 10% хувиар нэмэгдүүлэхээр улсын төсөвт тусгажээ.
