Засгийн газрын өнөөдрийн хуралдаан өндөрлөлөө. ХНХ-ын сайд Х.Булгантуяа дундаж тэтгэврийн хэмжээг дөрөвдүгээр сарын 1-нээс дахин нэмэгдэнэ гэж онцлов.
Тодруулбал, “Өнгөрсөн хугацаанд дундаж тэтгэвэр 550-785 000 болж нэмэгдсэн. Хувь тэнцүүлсэн тэтгэврийн доод хэмжээ ч адилхан нэмэгдсэн. Дундаж тэтгэвэр 2.1 хувиар нэмэгдэхээр Засгийн газраас тогтоол шийдвэр гарлаа.
Ирэх сарын 1-ээс 15.4 хувь буюу 50 мянган төгрөгөөр тэтгэвэр дахин нэмэгдэнэ. Байнгын асаргаатай хүмүүсийн тэтгэмжийг 10 хувиар нэмэхээр болсон. Халамжийн тухай хуулийн шинэчлэсэн найруулгын төслийг эцэслэхээр ажиллаж байна. Хөгжлийн бэрхшээлтэй, байнгын асаргаатай хүмүүсийн халамж, тэтгэмжийг ялгаатай олгох нь зүйтэй гэж хуульд тусгаж байгаа.
Хүүхдийн мөнгөний журамд өөрчлөлт орж байгаа. Асрамжийн төвд байгаа хүүхдүүдийг 14 нас хүрэхээр хүүхдийн мөнгөний 20 хувиа авч сургалтанд зарцуулахаар болгож байна” гэв.
