Өвөлжилт, хаваржилт хүндэрсэнтэй холбоотойгоор зудын эрсдэлд өртсөн, малын хорогдол ихтэй малчдыг малжуулах хөтөлбөрт хамруулахаар болсон. Малжуулах хөтөлбөрийн санхүүжилтийг Хөдөлмөр эрхлэлтийг дэмжих сангаас гаргах асуудал яригдаж байна
Хөдөлмөр эрхлэлтийг дэмжих санд одоогоор 100 тэрбум төгрөг байгаа аж. Үүнээс малжуулах хөтөлбөрт 20 гаруй тэрбум төгрөг эхний шатанд тавихаар төлөвлөжээ. Мөн үхсэн малын сэг зэм устгах, цэвэрлэх, ариутгал халдваргүйжүүлэлтэд дөрөв орчим тэрбум төгрөг тавьсан байна.
Хөдөлмөр эрхлэлтийг дэмжих сангийн мөнгөнөөс хөгжлийн бэрхшээлтэй иргэдэд жил бүр 10 гаруй тэрбум төгрөг төсөвлөдөг. Цаашлаад олон нийтийн оролцоог хангах, ахмад настны, залуучуудын гэх мэтчилэн аймаг, орон нутгууд руу хуваарилагдаг байна.
