Өнөөдөр хуралдсан Төсвийн байнгын хороо, Байгаль орчин хүнс хөдөө аж ахуйн байнгын хорооны хамтарсан хуралдаанаар гурилыг гаалийн албан татвараас чөлөөлөх асуудлыг хэлэлцэхэд ХХААХҮ-ийн сайд Х.Болорчулуун
-“Ургац”, “Өсөх” зэрэг гурилын үйлдвэр өнөөдөр хаалгаа барьсан. Гурил, улаанбуудай стратегийн хүнс шүү. Стратегийн хүнсээ бодлогогүй алдвал идэх хоол хүнсээрээ гадаадынхны хараат болж, аманд нь багтах болно. Энийг Ерөнхий сайд асан С.Баяр хатуу ойлгосон. С.Баяр Ерөнхий сайд байхдаа Оросоос 100 мянган тонн гурил, будаа гуйж очоод Засгийн газар хоорондын комиссын хурал дээр оросуудын аманд багтсан. Хоолоо гуйж хүнтэй харилцана гэдэг байж болохгүй зүйл юм байна гээд "Атрын-III" аяныг хэрэгжүүлсэн." хэмээн хэлсэн талаар бид мэдээлсэн.
Тэгвэл ерөнхий сайд асан С.Баяр:
"Гуйх гутамшиг, гуйлгах гайхамшиг" гэдэг үнэн. Гэхдээ хэн нэгний аманд багтаж явсан түүх үгүй. 2008 онд бид гурил, будааныхаа 25% л дотоодоос хангадаг байв. 2011 онд 100% хангадаг болсон. Одоо яагаад чадахаа болив, сайд аа?" хэмээн хариу барив
