"Ногоон автобус"-ны худалдан авах ажиллагаанд хяналт шалгалт хийх түр хорооны даргаар УИХ-ын гишүүн Ж.Бат-Эрдэнэ томилогдсон. Энэхүү түр хорооны дарагийн хурал энэ сарын 25-нд товлогджээ. Уг хурлаас өмнө мэргэжлийн байгууллагуудаас шинжээчдийг томилох юм байна.
Шинжээчдийн хүсэлтийг тухайн байгууллагууд Түр хороонд өгнө. Гурав хоногийн хугацаанд шинжээчдийн нэр орж ирснээр батлагдана.
Ногоон автобусны сонсголыг дөрөвдүгээр сард багтааж явуулахаар төлөвлөсөн бөгөөд ногоон автобустай холбоотой бүх материалыг цуглуулж, худалдан авалтад холбогдсон албан тушаалтнуудыг дуудаж нээлттэйгээр зохион байгуулна.
"Ногоон автобус"-ны худалдан авах ажиллагаанд хяналт шалгалт хийх түр хорооны дарга Ж.Бат-Эрдэнэ:
-"Эрх барьж буй МАН өөрсдийн гишүүдийг өмгөөлж хамгаалах асуудал байхгүй. Яг хуулийн дагуу нээлттэй сонсголыг явуулна" хэмээлээ.
