Монголын Сагсан Бөмбөгийн Холбооны Үндэсний дээд лигийн 2023-2024 оны улирлын аваргаар Хасын хүлгүүд баг тодорлоо. Энэ удаагийн улирал 13 багтайгаар 200 гаруй өдөр үргэлжилж 94 тоглолт явагдсан. Аваргын төлөө Хасын Хүлэгүүд болон Бишрэлт Металл баг нийт таван удаа тоглож сүүлийн тоглолтод 81:67 онооны харьцаатайгаар өрсөлдөгчөө хожсоноор цувралыг 4:1 болгож, Хасын хүлгүүд баг найм дахь аваргын цом өргөж 500 сая төгрөгийг эзэд боллоо.
Финалын MVP тоглогчоор Хасын Хүлэгүүд багийн тоглогч Дивайн Майлс тодров. Тэрээр энэ улирлын финалд 20.6 оноо, 3.4 самбар, 4.4 оновчтой дамжуулалт дунджилжээ.
