Манай улсын хүн амын тоо өдрөөс өдөрт өсөж байгаа билээ. Үүнтэй холбоотойгоор сургуульд элсэн суралцах хүүхдүүд жилээс жилд нэмэгддэг. Гэвч сургууль цэцэрлэгийн тоо хүрэлцээгүй, нийт суралцах хүүхдийн тоо ихсэж байгаан улмаас хувийн сургуулиуд үүд хаалгаа нээж үйл ажиллагаа явуулдаг билээ. Эцэг эхчүүд асран хамгаалагч нар аль болох үр хүүхдээ сайн боловсрол эзэмшүүлэх гэж, мөн тав тухтай орчин нөхцлийг харгалзан үзэж, хэлний боловсрол дээшлүүлэх болон бусад чиглэлийн мэргэжлийн хичээлийг гүнзгийрүүлэн сургах зорилгоор, бас гэрийнх нь ойр орчимд улсын сургууль баригдаагүйн улмаас зээл авах нь авч хадгалсан хэдээ зарцуулах нь зарцуулж хүүхдүүдээ хувийн сургуульд суралцуулдаг. Гэвч ихэнх хувийн сургуулиуд өөрийн хичээлийн байргүйн улмаас түрээсийн байрандаа өндөр төлбөр төлөх, багш ажилчиддаа цалинжуулах, улсын татвараа төлөх, нэмэлт хөтөлбөр хэрэгжүүлэх, сурагчдын орчин нөхцлийг сайжруулах, урсгал зардлаа нөхөх зэргээс болж жил бүр төлбөрийн хэмжээ хэлбэлзэж байдаг. Та бүхэндээ 2024-2025 оны хичээлийн жилийн хувийн сургуулиудын төлбөрийн мэдээллийг хүргэж байна
