Хөгжлийн бэрхшээлтэй 14 настай хүүхдийг зам хөндлөн гарч байхад нь мөргөж гэмтээгээд, тухайн жолооч Зөрчлийн хуулиар 100 мянган төгрөгөөр торгуулж, жолоочийн хариуцлагын 6 оноо хасуулсан асуудал цахим орчинд таржээ.
Энэ талаар цагдаагийн байгууллагаас тодруулахад " 2024.01.11-ний өдөр Дархан-Уул аймагт бүртгэгдэж, зөрчил шалгах ажиллагаа явагдаж байгаа, дуусаагүй байна. Хуульд зааснаар хүний биед хүндэвтэр түүнээс дээш хэмжээний хохирол учирсан нь тогтоогдвол Эрүүгийн хуулиар, бусад үед Зөрчлөөр явдаг. Гэмтлийн зэргийг тусгай мэдлэг бүхий Шүүхийн шинжилгээний газар гаргадаг, хэрэв дүгнэлт үндэслэлгүй гэж үзвэл дахин хандах хуулийн зохицуулалттай юм. Одоогоор эцэслэн шийдээгүй байна" гэв.
