Эрүүл мэндийн сайд асан Н.Хүрэлбаатар 2013 онд ШШГЕГ-ын харьяа Урьдчилан хорих 461 дүгээр ангид хоригдсон удаатай. Тодруулбал түүний нууц хүү Х.Энхбат гэгч залуугийн сэйфэнд байсан их хэмжээний мөнгө ил болоход “Миний аав болох Н.Хүрэлбаатар надад энэ сейфтэй мөнгийг хадгалуулсан. Энэ Хурд /Рапид/-ын байрыг ч аав маань 2011 оны 2 сард худалдан авч өгөөд хананд нь сейф суурилуулсан” гэсэн мэдүүлэг өгснөөр аав, хүү хоёрын нууц нь илчлэгдсэн.
Сейфний эзэн Н.Хүрэлбаатар 2012 оны 1 сараас 6 сар хүртэл Эрүүл мэндийн сайдаар ажилласан.
2011 оны Хөрөнгө орлогын мэдүүлэгтээ “50 сая төгрөгийн үнэтэй “Лексус-470” маркийн автомашинтай, жилдээ 22 сая төгрөгийн орлоготой, гэр бүлийн гишүүдийнх нь нийт орлого 7.2 сая төгрөг, хувьдаа компанигүй, бизнес эрхэлдэггүй, 180 сая төгрөгийн үнэ бүхий нэг орон сууц, үйлдвэрлэл үйлчилгээний нэг объекттой, Хандгайтын аманд зуслангийн нэг газартай, 24 сая 675 мянган төгрөгийн хадгаламжтай, “Голомт” банкнаас 66 сая төгрөгийн зээл авсан гэж мэдүүлсэн байдаг.
Хүүгийнх нь гэрээс хулгайлагдсан сейфэнд маш их хэмжээний мөнгө буюу хоёр сая гаруй юань, 6000 ам.доллар гарсан юм. Одоо экс сайд Н.Хүрэлбаатар АШУҮИС-ийн захирлаар ажиллаж байна.
