Улсын Онцгой Комиссын Шуурхай штаб, Эрүүл Мэндийн Яам болон Цаг уур, орчны шинжилгээний газраас хаваржилтын нөхцөл байдлын талаар өнөөдөр мэдээлэл хийлээ.
Эрүүл Мэндийн Яамны ЭМЯ-ны Эмнэлгийн тусламж үйлчилгээний газрын дарга А.Өнөржаргал: Зудтай аймаг, сумдын малчин иргэдэд эрүүл мэндийн тусламж үйлчилгээ үзүүлэхэд орон нутгийн эмч нарын хүч дутаж байгаа учраас резидент эмч нарыг томилон ажиллуулах эрүүл мэндийн сайд тушаал гаргасан.
Иймд "Орон нутгийн захиалгаар улсын төсвийн санхүүжилтээр 2024-2025 оны хичээлийн жилд орон нутгаас ирж суралцаж байгаа 318 резидент эмч нарыг гуравдугаар сарын 1-нээс дөрөвдүгээр сарын 15-ны өдрүүдэд өвөлжилт хаваржилт хүндэрсэн орон нутгуудад туслуулах зорилгоор хуваарилалт хийгээд, нэгдсэн мэдээллээр хангаж, орон нутгийн эрүүл мэндийн байгууллагын харьяалалд шилжүүлсэн байна.
Резидент эмч нарыг орон нутагт ажиллах хугацаанд нь үндсэн цалинг нь бүрэн олгож, орон нутагт очих, буцах замын зардлыг хариуцаж 14 хоногийн хугацаанд албан томилолтын мөнгө олгохоор 325 сая төгрөгийг зарцуулагдах тооцоо гарчээ.
