Дархан-Уул аймгийн Хонгор сумын 2 дугаар багийн нутаг дэвсгэрт хоёр удаагийн хяналт шалгалтын ажлыг зохион байгуулахад иргэн Г.З нарын бусадтай бүлэглэн тусгай зөвшөөрөлгүй газрын хэвлийд халдаж, ашигт малтмалын эрэл хайгуулын үйл ажиллагаа явуулж байсан үйлдлийг илрүүлж, алтны илэрцтэй 38 шуудай чулууг эд мөрийн баримтаар хураан авч, мөрдөн шалгах ажиллагааг үргэлжлүүлж байна.
МУ-ын Эрүүгийн хуулийн тусгай ангийн 24.2 дугаар зүйлд зааснаар хууль бусаар ашигт малтмал хайх, ашиглах, олборлох гэмт хэрэг үйлдсэн иргэнийг 5.4-27 хүртэлх сая төгрөгөөр торгох, эсхүл 1-5 жил хүртэл хугацаагаар хорих, хуулийн этгээдийг тодорхой төрлийн үйл ажиллагаа явуулах эрхийг хасаж, 20-120 хүртэлх сая төгрөгөөр торгох ялаар тус тус шийтгэдэг. Энэ мэт зөвшөөрөлгүй газар ухаж эрт өлгийн эд зүйл, алт жонш гэх мэт газрын баялагийг ашиг сонирхолын үүднээс худалдах хил дамнуулах оролдлого хийх хүмүүс олширч байгаа нь харамсалтай.
