Нью-Мексикогийн их сургуулийн эм зүйн ШУ-ы профессор Мэттью Кампен “Newsweek” сэтгүүлд хэлэхдээ "Эхийн хэвлийд буй ураг нь хүрээлэн буй орчны стресст өртөмтгий байдаг.Хөгжлийн явцад үзүүлэх бага зэргийн нөлөөлөл нь ургийн амьдрах чадвар, нярайн хөгжлийн асуудалтай холбоотой бүх төрлийн асуудал үүсгэдэг" хэмээжээ. “Toxicological Sciences” сэтгүүлд нийтлэгдсэн шинэ судалгаагаар Нью Мексикогийн их сургуулийн эрдэмтэд ихэсийн 62 дээжинд дүн шинжилгээ хийж, нэг грамм эдэд 6.5 микрограммаас 790 микрограмм хүртэл микропластик агуулсан болохыг тогтоожээ.
Микропластик гэдэг нь таван миллиметрээс бага хэмжээтэй аливаа хуванцарыг хэлдэг. Өмнөх судалгаануудаас харахад хүн жилд кредит картны хэмжээ бүхий микропластик иддэг болохыг тогтоосон бөгөөд ийм хэмжээний микропластикийг жил бүр иддэг учраас хүний биеэс хуванцар илрэх нь аргагүй юм. Уг хуванцар нь бидний хоол хүнс, ус, агаар, тэр ч байтугай бидний эд эрхтэнд байдаг. Эдгээр хуванцарууд нь бие махбодид дааврын ялгаралтыг тасалдуулж, нөхөн үржихүйн эмгэг, зарим хорт хавдрын эрсдлийг нэмэгдүүлдэг байна.
