Үндэсний цэцэрлэгт хүрээлэн 2009 онд байгуулагдсан. Үүнээс өмнө буюу 2005 оны үед тус газрыг иргэн А.Сүхбатын худалдаж аваад үйл ажиллагаа явуулж байсан аж.
2009 онд Үндэсний цэцэрлэгт хүрээлэн байгуулах 973 га газарт тухайн газарт орж, гэрчилгээ нь гарсан байна. Уг асуудалтай холбоотой иргэн А.Сүхбат 2021 онд шүүхэд хандахад шүүхийн шийдвэр ҮЦХ-ийн талд гарч, тухайн иргэнийг газар чөлөөлөх захирамж гарсан байна. Гэсэнэ ч одоог хүртэл газар чөлөөлөөгүй байгаа аж.
Харин адууны тухайд мал бүхий иргэд өвлийн цагт санаатай болон санамсаргүйгээр ҮЦХ-ийн хашааруу адуугаа туугаад оруулчихдаг байна. Сүүлийн 5-6 жилийн турш шөнө бүр 3-5 азарга адуу оруулчихдаг талаар Үндэсний цэцэрлэгт хүрээлэнгийн захирал Ү.Оюунзул хэллээ.
