Монгол эмэгтэйчүүд их хэмжээний бэлэн мөнгөн дэвсгэрт ОХУ-н хилээр нэвтрүүлэх гэж байгаад баригджээ.
ОХУ-ын “Хяхта” олон улсын шалган нэвтрүүлэх боомтын гаалийн газрын ажилтнууд Монгол Улсын иргэдийн хувийн эд зүйлээс нь нийт 11.8 сая гаруй рубльтэй тэнцэх ам.доллар, Монгол төгрөг илрүүлжээ. Улмаар эдгээр эмэгтэйчүүдийг ОХУ-д мэдүүлэгдээгүй мөнгө хууль бусаар оруулахыг завдсан ба "Бэлэн мөнгө ба мөнгөн хэрэгслийг хууль бусаар хил нэвтрүүлэх" гэсэн зүйл ангиар ялласан байна.
Хэргийн дагуу мөрдөн шалгах ажиллагаа явуулж, шүүхийн шийдвэрээр нэг Монгол иргэнийг 253 мянган рубль, нөгөөг нь 109 мянган рублийн торгууль төлөх шийтгэл оногдуулжээ. Мөн уг этгээдүүд Буриад улсын нутаг дэвсгэрт байгаа тул шүүхийн шийдвэр гүйцэтгэгчээс ОХУ-аас гадагш зорчихыг нь түр хугацаагаар хязгаарласан байна.
