Оюутолгой компани ажилчдынхаа цалинг хасахдаа цалингийн даац хэтэрсэн учраас ийнхүү цалинг багасгахаар өөр аргагүй байдалд хүрсэн гэж тайлбарлаад буй. Учир нь илүү цагаар буюу улирч ажиллах нь их байгаа учраас ийнхүү цалингийн ачаалал нэмэгдэж байна гэж тайлбарлажээ.
Угтаа хүний нөөцийн бодлогоороо ажилчдаа илүү цагаар ажиллуулахгүй байх, шаардлагатай хүний нөөцийг өөрсдөө олох ёстой байсан. Гэвч энэ зохицуулалтаа хийж чадалгүй, эцэст нь цалингаас нь хасах шийдвэр гаргаад буй нь ажилчдынхаа эсэргүүлцэлтэй тулаад байгаа нь энэ юм.
Оюутолгой компанид Монгол ажилчдынхаа цалинг хасахаас өөрөөр танаж, хэмжэх боломжууд байгааг эх сурвалж дурьдаж байна. Тухайлбал олон төрлийн шоу, үйл ажиллагааг ивээн тэтгэх, олны танил хүмүүсийг олноор нь оюутолгойд аваачиж магтуулах, удирдах төвшний ажилтнуудаа гадны орнуудад аваачин тансаглуулах, гадны экспертүүдэд олгодог өндөр цалингаа багасгах зэргээр санхүүгийн ачааллаа зохицуулах боломжтой байсан гэж тэд үзэж байна.
