“Оюу толгой” компанийн ажилчдын цалинг 25-30 хувиар бууруулсан талаар ажилчдын төлөөлөл мэдээлэл хийж байна.
Тэдний зүгээс, "2024 оны хоёрдугаар сарын 6-нд "Оюу толгой” компани нийт ажилчдынхаа цалинг бууруулах шийдвэр гаргасан. Энэ шийдвэрийг бүх ажилчид эсэргүүцэж байгаа. Ажил олгогч ажилчдын цалинг зөвшөөрөлгүйгээр дур мэдэн бууруулсан нь ажил олгогч, үйлдвэрчний эвлэлийн хамтын гэрээг ноцтой зөрчиж байна. Дундаж цалин хөлсний бүрэлдэхүүнд багтдаг нэмэгдэл цалин, нэг удаагийн шагнал урамшуулал, шөнийн ээлжийн нэмэгдэл, илүү цагийн хөлс зэргийг хасах шийдвэрийг гаргахдаа үйлдвэрчний эвлэлээр дамжуулж, ажилчдад урьдчилж мэдэгдээгүй тул хууль бусаар гаргасан шийдвэрээ өөрчлөхийг шаардаж байна. Хэрэв шийдвэрээ өөрчлөхгүй тэмцлийн дараагийн хэлбэрт шилжихээ мэдэгдэж байна" гэлээ.
