Хүнс, хөдөө аж ахуй, хөнгөн үйлдвэрийн сайд Х.Болорчулуунаар ахлуулсан Улсын Онцгой комиссын хамтарсан ажлын хэсэг Хэнтий аймагт ажиллаж байна.
Хэнтий аймагт Засгийн газрын шийдвэрээр ХХААХҮЯ-ны харьяа Хөдөө аж ахуйн корпораци ТӨХХК-иас 892 тонн тэжээлийн будааг олгож, тээвэрлэлтийг бүрэн хариуцан Хэнтий аймагт хүргэхээр шийдвэрлэлээ.
Хэнтийн сумдууд дотор Дархан сум хамгийн өндөр буюу 68 мянган малын хоргодолтой байгаа бол Цэнхэрмандал сум 124 малын хоргодолтой байна. Цэнхэр мандал сумын 120 малчин ногоон тэжээл тариад 45 мянган тонн ургац хурааж авснаа малдаа өгч байгалийн давагдашгүй хүчин зүйлийг хоргодол багатай даван туулж байгаа аж.
