Эрчим хүчний систем 2024.02.18-ны өдрийн 19.00 цагт 1443 МВт хүрчээ. Энэ нь өнгөрсөн оны ачаалалтай үеэс 132 МВт-аар, импорт 85 МВт-аар тус тус өссөн үзүүлэлт юм байна.
Иймд Эрчим хүчний зохицуулах хорооноос аж ахуйн нэгж байгууллагууд эрчим хүчний зардлаа багасгахын тулд ажилтнууддаа эрчим хүч хэмнэх дадал хэвшил суулгах ажлыг зохион байгуулах, уралдаан зарлах, урамшууллын системийг бий болгох ажлыг зохион байгуулахыг уриаллаа.
Мөн нийслэл хотын хэмжээнд цахилгааны хэсэгчилсэн хязгаарлалт хийхээс өөр аргагүй нөхцөл байдал үүссэн хэвээр байгааг тодотголоо. Иймд аж ахуйн нэгж байгууллагууд эрчим хүчний зардлаа багасгах арга хэмжээ авч, шаардлагагүй цахилгаан хэрэгслийг салгаж байхыг анхааруулж байна.
