Хоёрдугаар сар гарснаас хойш 14 аймгийн 47 сум төмөр зудтай, мал бэлчээрлэх боломжгүй, малчид өвс тэжээлээ татах боломжгүй нөхцөлд байдалтай, 17 аймгийн 135 сум цагаан зудтай байна.
Улсын хэмжээнд нийтдээ 250 гаруй сум зудын нөхцөлд байна.
Өвөлжилт, хаваржилт хүндэрсэн аймгуудад өндөржүүлсэн бэлэн байдал зарлахаар өнөөдрийн засгийн газрын хуралдаанаар шийдвэрлэжээ. Мөн импортоор орж ирж байгаа гурил, тэжээлийг татвараас чөлөөлөх, Гурил, өвс тэжээлийн хангалтыг нэмэгдүүлэх чиглэлд онцгой анхааран ажиллахаа шадар сайд С.Амарсайхан мэдэгдлээ.
Зуд нүүрлэснээс малчид өвс тэжээлээ татаж авах боломжгүй болсон. Зам даваа хаагдсан байгаа тул нээх арга хэмжээ авах, шар усны үерээс сэргийлэхийн тулд цасны хунгаруудаа арилгах, малын зүй бус хорогдлоос шалтгаалж малын гоц халдварт өвчин тархахаас сэргийлэх, малын вакцинжуулалтыг эрчимжүүлэх зэрэг арга хэмжээ авах юм байна.
Улсын онцгой комисс маргааш хуралдаж эдгээр асуудлыг хэлэлцээд зарим тогтоолын төслийг УИХ-д өргөн мэдүүлэх зайлшгүй шаардлагатай байгаа юм байна.
