Сүүлийн жилүүдэд манай улсад оюуны өмчийн асуудал хурцаар тавигдаж энэ талын хуулийн зохицуулалт дутмаг байна гэх шүүмжлэл өрнөж байна. Бусдын оюуны өмчийг дураарай ашиглах, зөвшөөрөл авахгүй өөрийн бүтээлдээ ашиглах үзэгдэл бүр газар авсан. Хамгийн сүүлд л гэхэд сар шинийн өмнөхөн гитарчин, ая зохиогч Д.Өлзий-Орших өөрийн зохиосон аяаа нэр бүхий хамтлаг, дуучдад дахин ашиглуулахгүй хэмээж, зохиогчийн эрх, оюуны өмч, түүнийг үнэлэх үнэлэмжийн асуудал дахиад л сөхөгдлөө.
Нэг талаараа энэ бүхэн хуулиар зохицуулагдаж болох ч хувь хүмүүсийн ёс зүй, бусдын оюуны өмчийг үнэлэх хариуцлага гэдэг юм яалт ч үгүй үгүйлэгдэж байна. Тэгвэл УИХ-ын гишүүн С.Одонтуяа өөрөөрөө үлгэрлэж, сар шинийн мэндчилгээндээ бусдын уран бүтээлийг ашиглахдаа зөвшөөрөл авчээ. Нэг ёсондоо бусдын оюуны өмчид хүндэтгэлтэй хандаж, дараа дараагийн төрийн түшээдүүддээ үлгэрлэж зөршөөрөл авсан анхны тохиолдол гээд тодотгочвол хэлсдэхгүй биз.
Тэрбээр “Үндэсний өв соёлоо түгээн дэлгэрүүлж буй авьяаслаг гэр бүл уран бүтээлчид Д.Жавхаасайхан, Д.Үүрийнтуяа нараас Монгол ардын дуу "ЦАГААН САР" дууг шинэчлэн найруулан дуулснаар нь мэндчилгээндээ оруулахдаа зөвшөөрөл авлаа. Оюуны өмчийг хүндэтгэн дээдэлцгээе” гэжээ.
