Энэ долоо хоногжингоо хөвөрсөн нэг сэдэв бол урлагийнхны үл ойлгоцол байлаа. Тодруулбал, гитарчин Д.Өлзий-Оршихын зүгээс "Номинталст" хамтлаг хийгээд МУГЖ Б.Сарантуяад зохиож өгсөн дууны аяаа дахин ашиглуулахгүй, хориглохоор болсон талаарх мэдэгдэл хийж бүүм болж өнгөрөв. Энэ бүхэн манай улсад зохиогчиййн эрхийн хуулийн зохицуулалт, оюуны өмч, түүнийг үнэлэх үнэлэмж хөгжөөгүй байгаагийн тод илрэл болж байна.
Үүнтэй зэрэгцэж "поп хатагтай" Ц.Оюунгэрэл поп дива С.Наранд дууны үг зохиож өгч байснаа дурсаад авав. Ямартаа ч түүний хувьд төлбөр авах, өөрийгөө цоллуулах зорилгогүй дурандаа зохиож өгсөн гэжээ. Нууц авъяасаа илчилсэн Ц.Оюунгэрэлд талархснаа нэг илэрхийлнэ байгаа С.Наран та.
УИХ-ЫН ГИШҮҮН АСАН Ц.ОЮУНГЭРЭЛ:
-Мундаг дуучинд цөөхөн дууны үг зохиож өгсөн байдаг юмаа. Ганц нэг нь Хит болсон байх. Гэхдээ 1-д өөрөө дуртайдаа зохиож өгсөн, 2-д өөрийн Оюуны өмчөөр бүртгүүлээгүй, гэрээ хэлцэл хийгээгүй тул дуучнаас дуулахаа зогсоох, төлбөр төлөх, миний нэрийг заавал дурьдахыг шаардах эрх надад байхгүй. Харин бүртгүүлсэн бол Эрхийн шимтгэл буюу Royalty нэхэх нь зүй ёсны хэрэг юм.
