Эдийн засаг, хөгжлийн сайд Ч.Хүрэлбаатар, Ерөнхийлөгч асан Х.Баттулга нарын "дайн" үргэлжилсээр. Асуудал, маргаан эцэслэгдээгүйг илтгэж өнөөдөр Ч.Хүрэлбаатараас бас нэгэн байр суурийг илэрхийлжээ. Түүний хэлж буйг ерөнхийлвөл, өөрийг нь гүтгэх тусам МАН энэ сонгуульд олон санал авна гэсэн утга ажиглагдаж байна.
Тэрбээр "Түүх давтагддаг гэлцдэг. 2017 онд намайг Сангийн сайд болох юм бол МАН 2020 оны УИХ-ын сонгуульд ялагдаж 1 л суудалтай үлдэнэ хэмээн манай намынхныг айлгаж, түүнийгээ нотлох гэж бүх мэдээллийн хэрэгслээр намайг элдвээр гүтгэн доромжилж байсан юм.
Тэр үед намайг монгол биш казак гэж байсан юм. Хотгор шанагыг зарсан хэмээн гүтгэж байсан. Намайг бас элдвээр хэлж, доромжилж байсан ч манай нам 2020 оны сонгуульд нэг биш 62 суудал авсан.
Түүх давтагддаг л юм байна. Одоо намайг казак биш хятад гэж байна. Газрыг 100 жилээр гадныханд өгөх гэж байна хэмээх гүтгэлгийг бас тарааж байна.
Түүх давтагддагийг 2024 оны сонгууль харуулах биз, тийм ээ Женко оо!!!" гэжээ.
