Лоас Улс бол зүүн азийн орнуудаас далайд гарцгүй ганцхан орон. Байгалийн үзэсгэлэн бүрдсэн халуун дулаан сайхан орон юм. Юнескод байгалийн онгон төрхөө алдаагүй хэмээн бүртгэгдсэн Луанг Прабанг муж гэж бий. Тэнд Европ тивийнхэн дүүрэн. Тийшээ зорчих тасалбарыг сарын өмнө захиалах хэрэгтэй гэнэ. Тэнд зааны цэцэрлэгүүд байдаг бөгөөд тэдгээр зааныг жуулчид 20 минут унахад 15 ам.доллар орчим болдог ажээ.
Аялж жуучлахад хамгийн тааламжтай орны нэг. Нэн ялангуяа европ тивийнхний хөл тасрахгүй. Манай Монголчууд Тайланд, Вьетнам зүүн азийн орнуудаар аялаж зугаалдаг. Харин Лаос Улсаар аялах нь цөөн байх. Тэгвэл энэ орноор аялах нь өртөг багатайгаас гадна үзэж харах зүйл арвин ажээ.
Тухайлбал, Луанг Прабанг хот байгалийн гайхамшигт усан хүрхрээгээрээ алдартай. Тэрхүү хүрхрээний тогтоц нь шат мэт долгиолон урсдаг нь гайхалтай гэнэ. Энэ хотын бас нэгэн онцлог бол авсаархан жижиг боловч алтан орой бүхий олон тооны сүм хийдүүд жуулчдын харааг булаадаг ажээ.
УИХ-ын дарга Г.Занданшатарын урилгаар манай улсад айлчилж буй парламентын дарга нь Монголчуудыг эх орондоо айлчлахыг хүсэж, аяллын компаниудыг дэмжиж ажиллахаа илэрхийлсэн сурагтай. Монголчуудын өвлийн хүйтний үеэр зорих халуун орон нэгээр ийнхүү нэмэгдэх бололтой шүү.
